Dobrir lo menú principal
Limit modèrne d'Eslavònia.

Eslavònia es un plan agricòla de Croàcia limitat au nòrd per Drava, au sud per Sava e a l'èst per Danubi. Sa capitala es Osijek e leis autrei vilas importantas i son Slavonski Brod, Vinkovci, Vukovar, Pakrac e Djakovo.

Après la disparicion de l'Empèri Roman d'Occident, la region foguèt partejada entre Lombards e Ostrogòts au sègle V. Puei, au sègle VII, i arribèron d'Avars e d'Eslaus. Lei populacions eslavas foguèron a l'origina dau pòble croat e la region foguèt integrada au Reiaume de Croàcia après sa formacion ai sègles IX e X. Après la batalha de Mohács en 1526, lei Reiaumes d'Ongria e de Croàcia, tenguts en union personala per un meteis sobeiran dempuei 1102, s'afondrèron e Eslavònia foguèt conquistada per leis Otomans. Leis Austrians capitèron de'n prendre lo contraròtle en 1699 per la mitat nòrd e en 1718 per lo rèsta. I fondèron una marcha militara e la poblèron ambé de populacions croatas e sèrbas. Puei, la region conoguèt l'istòria trebolada d'Àustria-Ongria e d'Iogoslavia. En 1991-1995, en causa de sa populacion mesclada de Croats e de Sèrbes, venguèt un enjòc major dei Guèrras d'Iogoslavia

Liames intèrnesModificar

BibliografiaModificar

Nòtas e referénciasModificar