Escòla de la Targa
escòla felibrenca tolonesa
L’Escòla de la Targa (Escolo de la Targo en grafia mistralenca) es una escòla felibrenca de Tolon fondada en 1898. Sei membres son lei targaires, en referéncia ai targas o ajustas navalas e sa devisa es : Targaires de la bòna mena, arrapats sus nòstra tintena, li farem beure un còp salat, lei que se trufan dau parlar.
Son fogau es lo bastiment 69 dau cors Lafayette, una dei carrieras majoras de Tolon. L’Escòla i garda la colleccion (libres e revistas) centenària de sa bibliotèca provençala e, mai generalament occitana.
Es un lòc de cors, de conferéncias e d’activitats ligadas a la lenga e a la cultura de Provença.
