Enric Duran

Enric Duran i Giralt, sovent escaissat Robin Hood dels Bancs o Robin Banks (Vilanova i la Geltrú, Catalonha, 23 d'abril de 1976) es un activista social catalan anticapitalista. Se faguèt conéisser lo 17 de setembre de 2008 quand revelèt qu'aviá obtengut 492.000 € gràcias a de crèdits de 39 entitats financièras, que tornèt pas e destinèt a l'edicion e distribucion de la revista CRISI e subretot al finançament de projèctes dels movements socials catalans.