Edouard Vigneron
Edouard Vigneron (30 d'octòbre de 1896 - 1èr de febrier de 1972) foguèt un policier francés qu'èra cap dau servici deis estrangiers de la vila de Nancy en 1942. Ambé leis autrei policiers de son servici, prevenguèt lei judieus de l'imminéncia d'una rabalhada prevista per lo 19 de julhet de 1942 e organizèt sa fugida ò sa proteccion. Aquò permetèt lo sauvament de mai de 350 judieus sus lei 385 enregistrats dins la vila — 32 foguèron pasmens arrestats per leis Alemands. Après aquel accion, Vigneron foguèt arrestat lo 19 d'aost de 1942 e estremat dins la preson de Fresnes. Foguèt reabilitat a la Liberacion e se retirèt de la polícia en 1951.
Recebèt lo títol de Just entre lei Nacions en 1987.