Eòl e Beotos

Dins la mitologia grèga, Eòl (en grèc ancian Αἰόλος / Aiolos) e Beotos (Βοιωτος / Boiôtos) son dos bessons, filh de Poseidon. Beotos es l'aujòl eponime dels Beocians.

Mite

Lor ascendéncia es confusa: Pausanias fa de Beotos (citat sol) lo filhs d'Itonos e de la nimfa Melanippa. Lo nom de « Melanippa » coma maire es confirmada per un vèrs d'Asios, préservé per Estrabon: Beotos seriá « nascut de la bèla Melanippa dins lo palais de Dios ». Dins una de ses fablas consacrada als filhs de Poseidon (CLVII), Igin cita « Beotos e Ellèn [sic] », nascuts d'Antiòpa la filha d'Eòl. semblariá qu'Igin fa aicí una confusion, que dins sas autras fablas (CLXXXVI e CCLII), Eòl e Beotos son pla fraire e filhs de Poseidon e d'Arnèa (la filha d'Eòl, mèstre dels Vents). Aquela ascendéncia se trapa per exemple a çò de Diodòr.

Totjorn segon Igin, Eòl e Beotos son donats a d'enfants a Teano, femna de Metapontos (rei d'Icariá). Ambedos fraires aurián estat noirrits de « lach de vaca » (CCLII). Mas un còp adults, deguèron se defendre contra los filhs de Teano, qu'aviá volgut dreçar contra eles: tuant lor mairastea e lo sieus filhs, fugiguèron e capitèron a çò de Desmontes, lor grand, que ten lor maire Arnèa prisonièra. Tanben lo tua, libèran lor maire, e tornan a çò de Metapontos que lor pardona aprenant la vertat e los adòpta. Beotos daissa son nom a la Beociá que ne ven lo mèste.

Segon la version de Diodòr, Arnèa es donada al rei Metapontos, a çò del fa ajaire sos filhs. Adults, aqueles tuan Autolita (femna de Metapontos segon Diodore) a la seguida d'un diferent qu'a amb Arnèa. Devon alara fugir en exili sus una nau amb maire e companhs.

Fonts

• Diodòr de Sicília, Bibliotèca istorica IV, 67.
• Igin, Fablas CLVII ; CLXXXVI ; CCLII.
• Pausanias, Descripcion de la Grècia IX, 1, 1.
• Estrabon, Geografia VI, 1.