Duna
Una duna (var. montilha; tuca; ròca) es una montanheta de sabla.
Las dunas se forman dins de zonas que la sabla i es abondanta e pas fixada per la vegetacion (desèrt, plaja, lieit fluvial a l'etiatge). La sabla es erodada e carregada pel vent (deflacion). Es transportada al ras del sòl per saltacion, e s'amolona puèi quora la competéncia del vent se demesís (versant jol vent). Una duna se pòt desplaçar per erosion del versant al vent e amolonament sul versant opausat.