Discutir:Pirenèu

Pirenèu au singular (en occitan) ?

La forma es atestada sus Internet dins de paginas en aranés, per exemple un document dau Conselh Generau d'Aran ([1]). Localisme ? Vivarés (d) 12 de junh de 2009 a 17:33 (UTC)

Tròbi aquò estranh un pirenèu vesi pas çò que designa, mas benlèu que se pòt utilizar en occitan, almens en val d'aran, se's dins un document oficial. Mertyl (d) 13 de junh de 2009 a 11:05 (UTC),

L'usatge tradicionau occitan sembla de conéisser solament lo plurau los/eths/lei/lu Pirenèus, segon leis indicas —maigras— de Dauzat & Deslandes & Rostaing (Dictionnaire étymologique des noms de rivières et de montagnes de France, Klincksieck, 1978). La forma au singular, eth Pirenèu, l'ai vista en occitan solament dins la varietat aranesa... En catalan sembla que els/los Pirineus au plurau es pus ancian e pus tradicionau que el Pirineu au singular (vejatz aicí, picatz 'Pirineu'). Es donc probable que la forma au singular siá una influéncia de l'usatge espanhòu el Pirineo. Me sembla que cau privilegiar la forma dau plurau en occitan. Pasmens una documentacion pus espessa seriá necessària per conéisser en detalh l'usatge occitan tradicionau.--Nil Blau (d) 13 de junh de 2009 a 13:22 (UTC)