Discussion Wikipèdia:Guèrra d'edicion

Projècte

Presentacion

Adieussatz, coma lei conflictes de modificacions son mai e mai nombrós (mai que mai en causa de l'insercion d'infobox novèlas, mai tanben per d'autrei motius), prepausi de crear e validar lo contengut de la pagina Wikipèdia:Guèrra d'edicion. Es un contengut classic sus lei projèctes pus importants. Leis objectius son :

• de dispausar d'una definicion clara de la guèrra d'edicion.
• de dispausar d'una basa "juridica" clara per sancionar lei comportaments geinants per lo projècte.
• de dispausar d'un procès clar de resolucion dau conflicte.

Pensi que la discussion deu s'organizar en doas fasas :

• premier, discussion dau tèxte, emendaments eventuaus e cèrca d'un consensus. Se lo consensus es pas possible, faudrà definir diferentei versions segon lei tendàncias observadas.
• puei, vòte de ratificacion, probablament per una presa de decision, de la version definitiva. --Nicolas Eynaud (d) 7 març de 2024 a 18.44 (UTC)

Definicion

Una succession de modificacions contràrias per d'utilizaires constituís una guèrra d'edicion.

Occuréncia

Aqueu fenomèn es generalament la consequéncia d'un desacòrdi prefond sus un ponch particular de la redaccion de l'enciclopèdia. Es una situacion potencialament grèva que s'acompanha sovent d'estraç divèrs ai règlas de Wikipèdia (abséncia de discussion, commentaris agressius, etc.) e que pòu menar a d'infraccions pus importantas (atacas personalas, deterioracion volontària de contengut, insultas, etc.)

Resolucion dau problema

Discutir

La discussion entre leis utilizaires regardats es lo premier biais de reglar una guèrra d'edicion. D'efiech, la discussion es una clau per la resolucion d'un conflicte sus Wikipèdia car pòu permetre de definir un consensus a partir d'arguments (cf. principis fondators de Wikipèdia).

Ajuda d'un mediator

Se leis editors en conflicte mau capitan de discutir, l'intervencion d'un mediator es possibla per restaurar lo calma, favorizar lei escambis, faire de suggestions e estructurar la discussion.

Demandar l'intervencion d'un administrator

Se la guèrra d'edicion perdura e que l'establiment d'una discussion contructiva es impossible, es possible de demandar l'intervencion d'un administrator non implicat dins lo conflicte que podrà prendre lei mesuras necessàrias a l'establiment de la discussion e a la proteccion de l'enciclopèdia.

Exemples de mesuras conselhadas :

• impausar una « règla de zèro modificacion » (R0R), es a dire que leis utilizaires engatjats dins lo conflicte pòdon pas se revertit mutualament.
• impausar una « règla de la modificacion unica » (R1R), es a dire que leis utilizaires engatjats dins lo conflicte pòdon pas se revertir mai d'un còp.
• impausar l'obligacion de discutir cada revocacion.
• sancionar leis abüs ò lo refús d'observar lei règlas dau projècte.

Annèxas

• Administrator.
• Principis fondators.

Discussion sus lo projècte

• Aquò deuriá permetre de trobar una solucion a quauquei problemas. --Toku (d) 10 març de 2024 a 11.51 (UTC)
• Lhanars (d) 10 març de 2024 a 17.21 (UTC)

Vòte

Après acabament de la discussion. Un vòte sus plusors versions diferentas es possible.