Discussion Projècte:Oc-a-ton

Adieu! Aqueste messatge es mon ponch de vista personal e representa pas degun mai que ma (modèsta?) persona e pas l'ensems dels que fan l'òbra, ni tanpauc los autres wikipedians.

Personalament, aquesta realizacion me geina fòrça, que sembla d'èsser facha dins/sus l'esquina de las gents que trabalhan/trabalham sus la Wikipèdia dempuèi un brave temps. E doncas, la primièra causa per cortesiá me sembla que seriá estat d'almens evocar tot aquò sus la Tavèrna (sèm un projècte collaboratiu, non????), e eventualament puèi d'ensajar d'obtenir una participacion dels wikipedians d'aicí..., çò que malastrosament es pas estat lo cas. De qué ne podèm/podrem/podriam pensar?

Es malastrosament pas lo primièr cas amb Wikimedia France, que fa de projèctes sus las lengas minorizadas (los interèssa a debon, o es per se far de publicitat? Avètz de paginas reviradas dins d'autras lengas de l'estat francés dins la presentacion de Wikimedia France? Avètz ja estudiat lo mesprètz manifestat dins la wikipèdia en francés? Avètz vist la toponimia occitana, mai anciana e "normala" que la francesa, mandada al mai luènh possible de l'introduccion?). Laissèri ja un messatge sus aquesta tendéncia (entamenada a la granda reunion maçonica de París) quand vegèri que se fasián d'amassadas amb de personas "representativas" institucionalament de l'occitan mas qu'an pas jamai res editat e benlèu sabon pas cossí far, e segurament piéger encara... los interèssa pas gaire.

Ai l'impression que los objectius wikipedians/wikimedians son completament desnaturats, los participaires, los que fan lo trabalh, la plèba fin finala, son pas convidats e participan pas a las amassadas e per contra s'i convida una (o doas qual sap...) persona(s) per far de publicitat de son institucion a mai aguèssen pas jamai res bastit sus la sola enciclopèdia occitana e que son efectivitat sociala dins lo reviscolar o difusion de la lenga demòra de demostrar.

Plan segur, aquesta iniciativa n'es un autre exemple, bravament penós per ieu e benlèu d'autres; avètz a debon d'interès per l'occitan, per la wikipèdia en occitan, o es simplament un biais de dire: "wow, vesètz avèm fach un fum de projèctes e mai de lengas gaireben perdudas coma l'occitan", "wow, avètz vist sèm de personas dobèrtas e tolerantas, parlam de l'occitan, del breton, e dels miauladisses de mon gat...". Espèri de pas aver un actitud negativa lo jorn de l'Edit-a-ton en embestiar los qu'ensajarián d'escriure d'articles... que de tot biais o faràn benlèu pas qu'un jorn per las fotografias e la television... aital fin finala benlèu que creariam una escasença de far parlar de l'occitan a partir d'aquesta polemica... Sabi pas, veirem!

Disi pas "bon coratge!" que francament ai l'impression qu'es un pauc coma de toristas que balhan una monedeta al paure del país visitat per se donar bona consciéncia e se "crompar" benlèu una fotografia amb l'indigèn que podràn botar dins lo libre de trofèus fotografics a l'ostal... De còr e d'òc, Claudi/Capsot (d) 7 octobre de 2016 a 13.42 (UTC)

Réponse Edit-a-ton occitan

Bonjour Capsot, Je te présente mes excuses si notre démarche a pu te choquer ou déplaire. Tu pourras retrouver sur cette page Projet: Langues de Francel'ensemble des actions menées depuis un an. La réunion de janvier dernier à Paris avait comme unique but de sensibiliser divers acteurs à la contribution sur les projets Wikimedia en langues régionales. L'idée de ces journées de décembre est juste de créer une opportunité de rencontres entre des acteurs publics, des associations, des locuteurs non-contributeurs et des Wikipediens. Je souhaiterais juste revenir sur quelques points.

• Tout d'abord rien n'est fixé à l'exception des dates et encore elles pourraient être modifiées
• La page projet était une première invitation envers la communauté pour travailler autour de cette possibilité.
• Enfin, toutes les actions passées autour des langues régionales ne se sont jamais déroulées sans la communauté.

Je considère que le rôle de Wikimedia France est de créer des opportunités pour les contributeurs. Libre ensuite à chacun d'en profiter ou non. Nous n'imposerons rien. Un message similaire sera posté dans quelques minutes sur la taverna. Une nouvelle fois, je te renouvelle mes sincères excuses si cette démarche a pu te choquer, je peux t'assurer que ce n'était pas notre intention. Nous nous tenons à ta disposition pour répondre à toutes les questions ou remarques que tu souhaiterais faire.

Merci, --Xenophôn (d) 10 octobre de 2016 a 09.42 (UTC)

Adieu,

Mercés per las responsas e mai encara per las excusas/Merci pour les réponses et bien plus encore pour les excuses. Bon coratge per totes vòstres projèctes. Coralament, Claudi/Capsot (d) 13 octobre de 2016 a 15.18 (UTC)