Diego de Almagro el Mozo
Diego de Almagro el Mozo (1522, Panamà - 16 de setembre de 1542, Cuzco) èra un conquistador espanhòu deis ans 1530-1540. Èra lo fiu dau conquistador Diego de Almagro (vèrs 1475 - 1538) e d'una indigèna.
Acompanhèt son paire tre 1531 e participèt a la conquista espanhòla de l'Empèri Inca sota la direccion de Francisco Pizarro (1471 ò 1476 - 1541). En particular, participèt a la presa de Cuzco (1533). Pasmens, lo clan de Pizarro capitèt de prendre solet lo poder dins la capitala inca. En 1538, aquò entraïnèt un conflicte que s'acabèt per la captura e la mòrt de son paire a l'eissida de la batalha de Las Salinas.
Après aquela revirada, Diego de Almagro el Mozo federèt un pichon grop de partisans de son paire per contuniar la lucha. Lo 26 de junh de 1541, capitèron d'intrar dins lo palais de Francisco Pizarro e de l'assassinar. Lei conspirators assaièron de prendre lo poder en Peró mai foguèron batuts lo 16 de setembre de 1542 a Chupas. Capturat, el Mozo foguèt executat après un brèu procès.