Diccionari

colleccion de mots associats a una definicion

Un diccionari es una lista de mots generalament classificats alfabeticament amb sas definicions, o una lista de paraulas amb las que son sas correspondentas dins d'autres lengas. Fòrça diccionaris contenon d'informacion suplementària, coma per exemple: d'informacion sus la prononciacion, les derivacions dels mots, d'exemples d'utilizacion, l'etimologia, d'illustracions, d'informacion sus l'utilizacion d'aquelas paraulas...

Diccionari latin

Lo metòde scientific per elaborar un diccionari se sona la lexicografia: es una branca de la lingüistica. Una persona que fa un diccionari en respectar aquel metòde es un lexicograf.

Se pòt distinguir un diccionari d'una enciclopèdia essencialament pel fach que lo diccionari se centra sul significat e l'emplec dels mots, mentre qu'una enciclopèdia ensaja de recopilar e d'organizar las coneissenças sus de tèmas plan variats. Per exemple, las enciclopèdias generalas an sovent d'articles suls toponims (païses, vilas, accidents geografics,...) e las biografias de personatges istorics.

Menas de diccionaris modificar

  • Segon lo modèl de lenga:
    • Los normatius: En general son faches per d'institucions que s'encargan de l'ortografia e la normativa d'una lenga. Aquestes diccionaris, doncas, sonque recampan çò "corrècte" e representan un modèl d'emplec de la lenga. O son, per exemple, lo Diccionari de l'Institut d'Estudis Catalans, lo Duden en Alemanha o lo de la Real Academia Española etc.
    • Descriptius: Se limitan a descriure l'emplec real que fan de la lenga los usancièrs, independentament de se aqueste es corrècte o pas, e an pas per tòca d'establir cap de modèl de lenga. Son avantatge es que, per contra, tenon fòrça mai d'expressions e de paraulas que los diccionaris normatius. Son per exemple lo Diccionari català-valencià-balear per la lenga catalana o lo Diccionari de María Moliner per l'espanhòl.

Diccionaris occitans modificar

Vejatz tanben modificar