Dètz (Collectiu audiovisual)

Dètz, collectiu creatiu es una associacion segon la lei de 1901[1] creada en julhet de 2010 per dètz amators e professionals de l'audiovisual, dins la tòca de crear e d'experimentar de novèlas formas mediaticas en tot valorizant la lenga e la cultura occitanas.
Lo collectiu nasquèt a l'ocasion de l'edicion de 2010 del festenal Estivada, e collabòra regularament amb la societat de produccion Piget.

Logo Dètz

Cogordas AwardsModificar

Las Cogordas awards (Award significa recompensa en anglés) es una ceremònia de remesa de prèmis que recompensa amb umor los actes e presas de paraula los mai mespresants de cap a de culturas e lengas minorizadas.

La primièra ceremònia de las Cogordas Awards se debanèt a Tolosa en març de 2012 per recompensar las accions comesas en 2011. Aquela primièra edicion foguèt filmada en public, e permetèt la creacion d'una emission producha en occitan [2].
Cada an, l'acadèmia de las cogordas recompensa las colhonadas comesas pendent l'annada civila precedenta. Los laurejats de cada categoria recebon una Cogorda d'aur, un trofèu perissable.


L'acadèmiaModificar

L'acadèmia de las Cogordas awards òbra tota l'annada per recensar los nomenats de cada categoria, e s'acampa puèi qualques jorns abans la ceremònia oficiala per causir sos laurejats.
Duscas a ara, l'acadèmia de las Cogordas awards a pas jamai volgut revelar l'identitat de sos membres.

Dètz e l'Acadèmia de las Cogordas awards presican per la non-ierarquizacion de las culturas. Lor apròchi umoristic es, segon eles, un mejan de sensibilizar un public larg a aquel messatge tot en fasent ausir la lenga occitana.

L'acadèmia de las Cogordas awards a coma devisa luita, amor e verduras.


Categorias de recompensasModificar

World Cogorda / prèmi planetari.
Frenchy Cogorda / prèmi exagonal.
Counties Cogorda / prèmi provincial.
Honorery Cogorda / prèmi d'onor, per l'ensemble de son òbra.
Public Cogordeta / Cogordeta del public pels occitans.

Lo laurejat de la categoria Cogordeta del public es definit en foncion dels vòtes dels internautas sul site de las Cogordas[3]

Cogordas awards 2012Modificar

Mèstre de ceremònia : Laurenç L'Abadiá (Dempuèi 2012)
Acompanhat de l'orquèstre dels cucurbitacèas.

Laurejats de la ceremònia de las Cogordas Awards 2012 :
World Cogorda : RAI TV Itàlia,

Per sa seria de spots publicitaris « Fratelli d'Italia », difusada a l'ocasion de la fèsta nacionala que celebrava los 150 ans de l'unitat del país, pas gaire valorizante pels dialèctes italians e lors locutors[4].
Frenchy Cogorda : Henri Guaino la pluma de Nicolas Sarkozy,

Per èsser responsable de la posicion del president francés contra las lengas regionalas, per aver estigmatizat los immigrats e los locutors en lengas regionalas al discors de Marselha[5].
Counties Cogorda : Robert Hadjadj de Vilanova de Magalòna,

Per sos problèmas de vista qui l'on conduit à déposer un recours au tribunal administratif de l'Hérault, pour la suppression du bilinguisme de l'affichage routier : « On a vu des panneaux énormes, plus gros que ceux en français. » [6]
Honorery Cogorda : ex-aequo Marine Le Pen & Claude Guéant.

Marine Le Pen, pour sa position globale sur les langues et cultures autres que franco-françaises.
Claude Guéant, pour sa célèbre maxime : « Toutes les civilisations ne se valent pas »[7].
Cogordeta del public : Modèl:Lien, pour la commercialisation de strings occitans made in Taiwan[8].

Cogordas awards 2013Modificar

Mèstre de ceremònia : Laurenç L'Abadiá (Dempuèi 2012)
Acompanhat de l'orquèstre dels cucurbitacèas.

Laurejats de la ceremònia de las cogordas awards 2012 :
World Cogorda : José Ignacio Wert, Ministre espanhòl de l'educacion e de l'espòrt,

Per ierarquizar las lengas d'Espanha, en desvalorizant la lenga catalana fàcia al castelhan, al moment de sa declaracion a la sesilha parlamentària del 10 d'octobre : « Nuestro interés es españolizar a los alumnos catalanes »[9].
Frenchy Cogorda :Technikart, les branchés parisiens

Per son famós « La bouse ou la vie : manuel de survie pour branchés de la campagne » - n°162 - ont es clarament afichada una posicion mespresanta de cap a Crosa e de sos abitants, signat Alexandre Majirus[10].
Counties Cogorda : Jean-Pierre Richard, President du «Couleitièu Prouvençò».

Per sa manca de fair-play, quand Joël Giraud, deputat e vicepresident del Conselh Regional PACA, qu'aviá demandat al President francés d'intervenir per « éviter l'écrasement des langues ancestrales des pays d'Oc par l'une d'entre elles, le languedocien-occitan », cambièt de vejaire, e decidiguèt finalament de « soutenir l'occitan »[11].
Honorery Cogorda : Michel Onfray, lo pensaire francòfrancés

Recompensat abans tot per sa tribuna liura pareguda dins lo jornal Le Monde, intitulada « Les deux bouts de la langue » en 2011. « La langue régionale exclut l’étranger, qui est pourtant sa parentèle républicaine. Elle fonctionne en cheval de Troie de la xénophobie, autrement dit, puisqu’il faut préciser les choses, de la haine de l’étranger, de celui qui n’est pas «né natif»comme on dit. » [12].
Cogordeta del public : lo PÒC, partit occitan

Per la campanha de comunicacion « Lo Pòc lèva lo bas »[13].

GlapamModificar

Glapam Tolosa es una cronica mesadièra aviada en 2011 ; a per tòca de far descobrir los artistas e los luòcs culturals tolosans.

 
Dètz TV a l'Estivada 2015

Estivada e festenalsModificar

Lo collectiu Dètz nasquèt a l'ocasion de l'edicion de 2010 del festenal Estivada e i va encara cada annada per i produsir de creacions in-vivo difusadas cada ser sus l'interplatèu.
Dètz participa tanben e amb aqueste meteis principi a mantun festenals cada annada.

Los talhièrs joves creatorsModificar

Dètz, amb lo concors del Conselh regional de Miègjorn-Pirenèus e de l'Acadèmia de Tolosa, Dètz animèt pendent l'annada 2011-2012 dos talhièrs d'escritura e de tornatges vidèo en occitan amb los liceans que seguisson l'opcion occitan dels licèus de La Vaur(81) e de Galhac(81). Los dos corts metratges realizats entièrament en occitan an remportat lo prèmi del melhor projècte dins la categoria projeccion al Festiv' 2012.

Gora l'occitanistaModificar

Gora l’occitanista (interpretat per Laurenç L'Abadiá[14]), que lo nom e lo fisic rapèlan Dora l'exploratrice, prepausa regularament de sketches corts en occitan per Dètz.

Mameta representaModificar

En 2012, Dètz realiza lo primièr cort-metratge d'animacion en occitan[15].

Nòtas e referénciasModificar

  1. Associacion tolosana pareguda al jornal oficiel lo 24/07/2010 jol numèro W313014469. SIRET : 530 554 385 00027.
  2. L'emission de la primièra edicion de las cogordas awards se pòt consultar sus http://vimeo.com/39481586.
  3. Los vòtes son possibles per cadun sus www.cogordasawards.com pendent los 15 jorns que precedisson la ceremònia.
  4. https://www.youtube.com/watch?v=cJKj2EKGc4Q
  5. « Quand on aime la France, on ne propose pas de ratifier la charte des langues régionales […]. C’est le communautarisme qui est au bout du chemin. [Cette] dérive communautariste […] ruinerait des siècles d’efforts pour nous construire un État, une Nation, une République. ». Discours de N. Sarkozy à Marseille, 19.02.12 : lafranceforte.fr/medias/presse/discours-de-nicolas-sarkozy-a-marseille
  6. « Robert Hadjadj : cet inconnu qui s’oppose aux panneaux occitans », haut courant, daté du 21.01.11, disponible sur : hautcourant.com/Robert-Hadjadj-cet-inconnu-qui-s,1396
  7. http://www.leparisien.fr/election-presidentielle-2012/pour-gueant-toutes-les-civilisations-ne-se-valent-pas-05-02-2012-1846442.php
  8. www.macarel.org
  9. https://www.youtube.com/watch?v=z6FHRBoqKwk
  10. http://www.technikart.com
  11. http://www.collectifprovence.com/spip.php?article723
  12. http://www.lemonde.fr/idees/article/2010/08/13/michel-onfray-et-les-langues-du-monde_1397497_3232.html
  13. http://lepocenlevelebas.wordpress.com
  14. Comedian cofondator de la companhiá Lilô théâtre
  15. http://www.youtube.com/watch?v=gfSKloezc1I

AnnèxesModificar

http://www.cultures.toulouse.fr/documents/10180/99114/Guideoccitanie_BD.pdf (p26)

http://blogs.mediapart.fr/blog/friture-mag/120114/les-nouveaux-troubadours-de-la-musique-occitane

http://www.franceculture.fr/emission-tout-un-monde-presences-d-oc-2-lieux-et-realites-de-l-occitanie-en-2013-2013-02-12

http://occitan.blogs.sudouest.fr/archive/2013/02/23/casting-per-detz-tv-e-piget-produccion-a-tolosa-e-montpelhie.html

http://www.in-oc.org/index.php/fr/actualites-81/agenda/832-soiree-detz

http://occitanica.eu/omeka/items/show/3228

http://occitan.blogs.sudouest.fr/tag/detz+tv

http://www.ladepeche.fr/article/2012/07/28/1408972-rodez-detz-pour-l-amour-de-l-occitan-et-de-la-video.html

http://www.jornalet.com/nova/1853/piget-prod-e-detz-organizan-de-castings-a-pau-e-a-bordeu

http://www.jornalet.com/nova/278/festiv-2012-lo-melhor-projecte-categoria-projeccion-es-en-occitan

http://www.jornalet.com/nova/52/las-cogordas-awards-2012

Articles connèxesModificar

Ligam extèrneModificar