D'Jelmako

D'Jelmako, nascut Etienne Blanc (Marselha, 26 de decembre de 1857 – Montpelhièr, 31 de julhet de 1933) foguèt un celèbre funambul occitan. Aqueste artista escaissat "lo Blondin indian" moriguèt tragicament durant un de sos espectacles en 1933.

Aficha de 1895 d'un espectacle de D'Jelmako

Biografia

Etienne Blanc nasquèt a Marselha en 1857 d'un paire del país e d'una maire indiana de Canadà. Coma Charles Blondin venguèt funambul. Inventèt lo numèro de la torpilha umana. Contunhèt a far d'espectacles fins a una edat avançada e moriguèt a 75 ans durant una representacion a Montpelhièr. Foguèt enterrat al cementèri Sant Làser d'aquesta ciutat.