Cyrus Farivar

Cyrus John Farivar (Santa Monica, Califòrnia, 2 de genièr de 1982) es un jornalista e escrivan iranoamerican. Especializat dins lo jornalisme tecnologic a escrich dins divèrses jornals e revistas prestigioses coma The Economist, Slate, The New York Times, PC World o Wired e es estat redactor assistent a la revista Macworld. Es actualament redactor de la revista electronica Ars Technica.

BiografiaModificar

Cyrus Farivar nasquèt en 1982 dins una familha de classa mejana a Santa Monica. Es l'ainat dels dos enfants de Mehrdad Farivar, un avocat iranian e de Sydney Hadsell Farivar, una ensenhaira. Dins l'encastre de sos estudis d'economia politica que comencèt en 2000 a l'Universitat de Berkeley, visquèt entre 2002 e 2003 a Senegal qu'i estudièt a l'Universitat Gaston Berger de Ndar. Obtenguèt son B.A. en 2004 abans de cambiar de dralha e de s'orientar cap al jornalisme. Estudièt de 2004 a 2005 a l'Universitat de Columbia ont capitèt un M.S. en jornalisme.

ÒbrasModificar

  • The Internet of Elsewhere (2011)

Ligams extèrnsModificar