Cort dels Comptes Europèa

La Cort dels Comptes Europèa foguèt instituida pel Tractat de Brussèlas del 22 de julhet de 1975, e entrèt en foncion en octobre de 1977. Son sèti es a Luxemborg.

Cort dels Comptes Europèa

Cour des comptes européenne (fr)
Abreviacion	ECA
Donadas
Tipe	Organ de contraròtle financièr de l'Union Europèa
Lenga oficiala	Lengas oficialas de l'Union Europèa
Administracion
Director	Tony Murphy (ca) (2022–)
Istòria
Fondacion	18 d'octobre de 1977
Site web	eca.europa.eu

Foguèt elevada al reng d'Institucion Europèa, le 1èr de novembre de 1993, amb l'entrada en vigor del Tractat de Maastricht.

Ròtle

Es una Institucion Superiora de Contraròtle (I.S.C.) que contraròtla la gestion financièra de l'Union Europèa, e de sas institucions :

• Comission Europèa
• Parlament Europèu
• Conselh de l'Union Europèa
• Cort de Justícia Europèa
• Banca Europèa d'Investiment
• sos organs annèxes
• los beneficiaris de las ajudas europèas

La Cort dels Comptes Europèa permet a l'Union Europèa de dispausar d'un organ de contraròtle extèrne independent, destriat dels responsables de la gestion financièra al sen meteis de las institucions.

La Cort dels Comptes examina la leialtat e la regularitat de las recèptas e de las despensas de l'Union Europèa, e s'assegura de la bona gestion financièra dels fons comunitaris (respècte de la règla de las 3 "E" : Economia, Eficiéncia, Eficacitat). Los rapòrts de la Cort (Rapòrt Annadièr e rapòrts especials) constituisson, certament, un biais de pression sus las institucions e autres organs administratius per qu'asseguren una bona gestion dels fons. Concretament, l'autoritat budgetària (Parlament Europèu e Conselh Europèu) se fonda en particular sus las apreciacions del Rapòrt Annadièr de la Cort per balhar (o non) a la Comission descarga de la seuna gestion.

Quand la Cort identifica de mancaments, d'irregularitats e de cases de fraudas potencials, avisa las administracions e organs competents per qu'agiscan en consequéncia.