Corsa camarguenca
La corsa camarguenca es un espòrt tradicional occitan, localizat dins un airal que s'espandís dins una partida orientala de Lengadòc e de l'oèst de Provença (dempuèi Erau fins a Vauclusa), que los rasetaires devon agantar los atributs que son fixats a las banas del buòu.
Istòria modificar
Aquesta tradicion, a mai foguèsse pro diferenta a la debuta, sembla pro anciana que n'existís almens una atestacion en 1402 a Arle [1] que s'i celebrèt una corsa en onor del comte de Provença Loís II e s'i faguèt combatre un lion amb un buòu [2].
Aqueste jòc taurin se perpetuèt mas coneguèt de modificacions long del temps. Malgrat una enebicion en 1662 deguda a un nombre considerable de nafrats e de mòrts, los jòcs contunhèron d'amagat fins al sègle XIX.
Los atributs modificar
Los atributs son d'elements claus dins la corsa liura. De segur sens aquestes, se podrián pas far de corsas. D'atributs n'i a tres, descriches enjós dins l'òrdre que los devon tirar los rasetaires[3],[4],[5].
- La cocarda, que contràriament a çò que pòt far pensar lo nom, es un riban roge qu'a una dimension d'entre cinc e sèt centimètres de long e d'un centimètre de larg. La cocarda es estacada gràcias a una faisèla a la part nauta del front del buòu e al centre.
- L'agland qu'es en realitat un pompon de lana blanca. Ne meton dos que son ligats a la faissèla que penja a la basa de cada bana.
- La faissèla qu'es lo darrièr dels atributs que se deu levar. Envira la bana amb un nombre de torns variable qu'es determinat en foncion del classament del buòu.
Ligams extèrnes modificar
Referéncias modificar
- ↑ https://web.archive.org/web/20100824110041/http://www.ffcc.info/article2022.html
- ↑ http://sites.univ-provence.fr/tresoc/libre/integral/libr0147.pdf
- ↑ coursecamarguaise.midiblogs.com - Consultat lo 10 d'agost de 2007.
- ↑ "Lexique Course Camarguaise" dins midilibre.com - Consultat lo 10 d'agost de 2007}}.
- ↑ "Charte de la course à la cocarde 3. Chap 3 : LES ATTRIBUTS LES RAZETEURS LES TOURNEURS" - Consultat lo 10 d'agost de 2007.