Conglomerat (geologia)
Un conglomerat es, en geologia, una ròca compausada de brigas visiblas d'autrei ròcas que son liats entre elei per un ciment naturau. Lei brigas an una talha de mai de 2 mm. La màger part dei conglomerats son d'origina sedimentària mai existís tanben de conglomerats volcanics. La formacion dei conglomerats a generalament luòc après l'intrada d'aiga de mar dins una zòna continentala bassa. Pasmens, de mecanismes pus rars permèton la formacion de conglomerats dins de plans alluviaus ò dins de vaus glaciàrias. Segon la natura dei brigas integradas dins la ròca, son destriats tres tipes de conglomerats :
- lei brècas son compausadas de brigas angulosas.
- lei podingas de còdols.
- lei tilits d'una mèscla de brigas angulosas e de còdols.
Leis usatges dei conglomerats son raras car aquelei ròcas s'adaptan mau ai constrenchas de la construccion. Pasmens, lei Romans considèran lei brècas coma una pèira preciosa, susceptibla d'èsser utilizada per ornar de monuments importants.
Dins lo Sistèma Solar, de conglomerats son estats observats a la superficia de Mart.
-
-
-
Conglomerat a la superficia de Mart
