Combinat nordic

Lo Combinat Nordic es un espòrt que consistís en una combinason de doas espròvas: una de sauts en esqui dempuèi un trempolin, e una d'esqui de fons.

Moneda russa que mòstra la combinada nordica

Se disputan tres competicions, amb una durada de dos jorns per caduna.

Modalitats

Individual o "Gundersen"

Lo primièr jorn realizan los sauts de trempolin de 90 mètres. Cada participant ne realiza dos, s'addcionan lo resutlat d'ambedós. Se realiza l'endeman l'espròva d'esqui de fons sus 15 km en estil liure. L'òrdre partença se fa de biais escalonat segon lo resultat dels sauts.

Per equipas

Cada equipa es compausada per quatre membres. Lo primièr jorn se realizan los dos sauts a 90 mètres e s'addiciona los resulats totes los sauts de l'equipa. Lo segond jorn se fa l'espròva d'esqui de fons mas amb relèus cada cinc quilomètres. La paetença se fa de biais escalonat segon lo resultat del jorn precedent.

Sprint

Identic a l'"individual", mas a la plaça de sautar per un trempolin de 90 mètres se fa amb un de 120 mètres, e l'espròva de fons se realiza sus 7,5 km.

Istòria

Poiriam dire qu'es originari de Norvègia ont dempuèi fa fòrça temps se practicava tant l'esqui de sauts coma de fons. Foguèt presentat pel primièr còp als Jòcs Olimpics de 1924, dins sa modalitat individuala.

Amb lo temps se modifiquèt la distància de percorrir, los trempolins, los materials, eca. La competicion per equipas foguèt introdusida als jòcs de Calgary 1988 e l'sprint a aquestes de Saut Lake City 2002, encara se presenta pas la version femenina.

Los principals païses participants son Finlàndia, Alemanha e Àustria.