La Camèla o garopa [1](Cneorum tricoccon) es un arbrilhon mediterranèu de fuèlhas persistentas, un pauc semblablas a las de l'olivièr, de pichonas fuèlhas jaunas e de fruches roges formant tres clòscas (d'aquò li ven lo qualificatiu tricoccon). Autrecòps representant màger de la pichona familha de las Cneoracèas, es ara classificat dins las Rutacèas.

Ecologia e abitat modificar

Aqueste arbrilhon buta dins l'Oèst del baçin mediterranèu, d'Espanha cap a Itàlia e gaireben sempre sus de sòls calcaris e dins de rocalhas feblament boscadas (garriga). Es sovent associat amb de romanin o d'aladèrn

  • Florason: marça a junh
  • Pollinizacion: entomogama
  • Espandiment: endozoocòr

Descripcion modificar

Morfologia generala e vegetativa modificar

Arbrilhon de pichona talha (inferiora a 1 mètre), fòrça ramificat, de rams erigidas. Fuèlhas persistentas, coriàcias, sessilas, altèrnas, lanceoladas e lineàrias, praticament glabres, sempre ascendentas a quilhadas.

Morfologia florala modificar

Flors solitàrias a l'aissela de fuèlhas superioras, de pichonas talhas (0,5 a 1 cm). De color jauna, an un calici de 3 o 4 sepals e una coròlla de 3 o 4 petals. 3 o 4 etaminas, ovàri supèra de 3 o 4 lòtjas, estil de 3 o 4 estigmats.

Fruch e granas modificar

Lo fruch es una drupa compausada en principi de tres còca remembrant la capsula de las Euforbiacèas. Cada còca conten doas granas. De color roja, los fruchs venon sovent negres quand madurs.

 
Mata de camelèa

Referéncias modificar

  1. camello, garoupo Lo Tresaur dau Felibritge Frederic Mistral