Cleomenes III es un rèi agiada d'Esparta que reinèt de 235 a 222 av. JC. Succediguèt a son paire Leonidas II (256-236 av. JC) e aguèt ges de successor. Ambé Nabis, es considerat coma lo darrier grand rèi de la ciutat.

Perfieu de Cleomenes III sus una pèça de moneda.

Durant la premiera partida de son rèine, menèt divèrseis expedicions militaras que li permetèron d'aquistar un important prestigi. En 227 av. JC, aquò li permetèt d'organizar un còp d'estat e de prendre lo poder. Executèt leis efòras e restaurèt d'un biais autoritari lei lèis de Licurg. Per aquò, menèt una reforma agrària amb una sasida de tèrras, la distribucion de 4 000 lòts a de ciutadans novèus (çò que permetiá tanben de tornar aumentar leis efectius militars), modernizèt l'equipament militar de la falanja espartenca e eliminèt seis adversaris (exilis ò execucions).

Aquelei reformas li permetèron de resistir ais ambicions de la Liga Aquèa, dirigida per Aratos, qu'èra a conquistar Peloponés. Fins a 222 av. JC, Cleomenes enregistrèt ansin mai d'una victòria e ocupèt la màger part de la peninsula. Pasmens, leis Aquèus demandèron finalament l'ajuda de Macedònia qu'aprofichèt la situacion per restaurar son influéncia dins lo sud de Grècia. Durament batut a la batalha de Selassia, Cleomenes deguèt s'enfugir en Egipte. Abandonat per lei sobeirans lagidas, assaièt d'i organizar una revòuta que mau capitèt. Se suicidiguèt per defugir una captura.

Liames intèrnes modificar

Bibliografia modificar

Nòtas e referéncias modificar