Circulacion termoalina
La circulacion termoalina ò circulacion oceanica prefonda es la circulacion oceanica engendrada per lei diferéncias de massa volumica de l'aiga de mar, a l'origina de corrents marins en prefondor. Aquelei diferéncias son la consequéncia de diferéncias de temperatura e de salinitat dei massas d'aiga. Au nivèu de la planeta, la circulacion termoalina forma una bloca de circulacion qu'es dicha « bloca termoalina ».
