Chooc

L’estat de Chooc (Chuuk) es un daus 4 Estats federats de Micronesia. La capitala n’es Veno. Chooc es l’estat mai poblat de Micronesia. I a ’na demanda d'independencia de Micronesia (e de surtida de l’estatut de protectorat american) que se va tradusir per un referendum lo 5 de març de 2019.

Toponimia

Lo mot chuuk vòl diser montanha dins la lenga chooquesa. Era anglicizat en Truk. Lo nom de Chuuk foguet restablit en 1989, tres ans apres l’independencia de la federacion.

Geografia

L’estat agropa maitas archipèlas:

l'atòl de Chooc
Nomoisofo
las illas de Hall
l'atòl de Nanòmoïto o illas Magor
Patiu
las illas de l’Èst (o illas de Mortlock dau Nòrd)
las illas Nomòi (o illas de Mortlock dau Sud)

Divisions administrativas

L’estat es devesit en 40 comunas: Weno-Chóniro (ancianament Weno), Fonoton (ancianament Fono), Piis-Panewu (creada en 2004), Tonoas, Fefen, Parem, Siis, Uman-Fonuweisom (ancianament Uman), Udot-Fonuweisom (ancianament Udot), Eot, Ramanum, Fanapanges, Pwene (ancianament Polle), Paata-Tupunion (ancianament Paata), Oneisom (ancianament Wonei), Tolensom (ancianament Tol), Nema, Losap, Piis-Emwar (ancianament Piis-emmwar), Namoluk, Ettal, Moch, Kuttu, Ta, Satowan, Lekinioch (ancianament Lukunoch), Oneop, Houk, Polowat, Tamatam, Pollap, Onoun, Makur, Onou, Unanu, Piherarh, Nomwin, Fananu, Ruo e Murilo.

Las comunas son agropadas en 5 regions per de las rasons estatisticas: tres dins l’atòl de Chooc (Faichooc, Namoneas del Nòrd, Namoneas del Sud), una per las illas de l’Èst e del Sud (Mortlòcks) e l’autra per ’quelas de l’Oèst e dau Nòrd (Ocsoritod).

Istòria

Un daus sieis districtes dau Territòri jos tutela de las Illas dau Pacific, ven a la creacion dels Estats federats de Micronesia, en 1977, un daus quatre estats. Micronesia deven independenta en 1986. L’estat pren lo nom actuau en 1989, apres un referendum.