Chauchat
Lo Chauchat (nom complèt: Fusiu Mitralhaire Mle 1915 CSRG) èra un fusiu mitralhaire francés desvolopat durant la Premiera Guèrra Mondiala e intrat en servici en 1916. Èra una arma leugiera d'encombrament relativament limitat. Permetiá d'aumentar la poissança de l'infantariá durant leis assauts mai en causa d'una concepcion tròp simplificada per favorizar una produccion rapida e aisada, l'arma èra gaire fisabla e foguèt pauc apreciada. Pasmens, coma aviá pas d'equivalents, foguèt adoptada per mai d'una armada aliada (França, Estats Units, Belgica, Russia, etc.). En causa de l'importància deis estòcs (262 000 unitats produchas entre 1915 e 1918), lo Chauchat foguèt encara utilizat per totei lei camps durant la Segonda Guèrra Mondiala.
