Charli XCX
Charli XCX, de son nom vertadièr Charlotte Emma Aitchison, nascuda lo 2 d'agost de 1992, es una cantaira anglofòna britanica de pop, tanben autora e compositritz.[1]
Charlotte Emma Aitchison es nascuda a Cambridge (Anglatèrra). Es eissida d'un paire escocés e d'una maire indiana d'Oganda.
Entre mai e novembre de 2011, Charli XCX sortís los singles Stay Away, puèi Nuclear Seasons. Los dos títols son produches per Ariel Rechtshaid e son pas disponiblas qu'al Reialme Unit.
En mai de 2012, Charli XCX sortís sa primièra mèscla, Heartbreaks and Earthquakes, compausada de uèch títols. Pendent la meteissa annada, jòga en primièra partida dels concèrts de Santigold e de Coldplay.
En 2012, Charli XCX coescriu e canta en partida lo títol I Love It del duò suedés Icona Pop. La meteissa annada, sortís lo singles You're the One. Lo singles You (Ha Ha Ha) sortís l'annada seguenta.
Lo primièr album estúdio de la cantaira, True Romance, es comercializat en abril de 2013 e es seguit pel singles What I Like. Aquel primièr opus es majoritàriament plan recebut per las criticas musicalas.
Charli XCX comença de trabalhar sus son segond album estúdio en 2013. Sortís dins l'annada lo single SuperLove, puèi lo títol Just Dessèrts en duò ambe Marina and the Diamonds.
A la debuta de 2014, la cantaira collabòra amb la rapaira australiana Iggy Azalea sus son títol Fancy, que li permet de se far mai amplament conéisser. Pendent aquela periòda, Charli XCX escriu fòrça tròces per d'artistas coma Sky Ferreira, Neon Jungle, Ryn Weaver, Rihanna, Gwen Stefani e tornarmai Iggy Azalea.
Totjorn en 2014, Charli XCX interprèta lo títol Boom Clap pel film Nòstres astres contràris. La cançon es una enòrma capitada e es en seguida inclusa dins l'album Sucker qu'es comercializat en 2015 en Euròpa. Lo single Break the Rules sortit après Boom Clap e es el tanben una gròssa capitada.
Discografia
modificar- 2008 : 14 (album autoproduit)
- 2013 : True Romance (primièr vertadièr album)
- 2015 : Sucker
- 2019 : Charli
- 2020 : How I'm Feeling Now
- 2022 : Crash
- 2024 : Brat
Cançons mai conegudas
modificar- Boom Clap (2014)
- Break the Rules (2014)
- Boys (2017)
- Gone (2019, ambe Christine and the Queens)