Chardonnay (vitatge)
Lo Chardonnay es un vitatge destinat a la produccion de vins blancs. Caracteristic de Borgonha e de Champanha, es un vitatge adaptable e de bon cultivar que supòrta de climas plan variats. Pòt presentar d'aròmas poderoses : fogasset, burre fresc, avelana o pan grasilhat dins sas regions d'origina, agrums, ananasses e fruches exotics dins los païses cauds... En Borgonha, de botas de casse son utilizadas per balhar d'aròmas suplementaris als vins de Chardonnay de granda qualitat. Aqueles vins vielhisson generalament fòrça plan. Pels vins mai ordinaris, de tinas classicas son preferidas. Es aconselhat de beure lèu los vins atal produches. Gràcias a son adaptabilitat, lo Chardonnay s'es difusat dins mantuna region viticòla. En particular, es cultivat en Savòia, als Estats-Units, en Austràlia e en Africa del Sud.
Galariá fotografica
modificar-
-
Chardonnay -
Chardonnay -
Fuèlha caracteristica de Chardonnay
