Cavau de tira
Un cavau de tira (var. chavau, caval, chaval de tira) es un cavau destinat a la traccion de veïculs ò de materiaus pesants. Son donc generalament de cavaus grands e poderós. Foguèt fòrça utilizat en Euròpa per lo transpòrt militar, especialament dins l'artilhariá, e per lei trabalhs agricòlas. Au sègle XIX, foguèron tanben utilizats per lo transpòrt dei bens ò dei personas a partir dei garas e son usatge se difusèt dins leis autrei país desvolopats (Estats Units, Japon... etc.). Pasmens, declinèt per venir rar a partir de la generalizacion de la mecanizacion de l'agricultura e dei transpòrts dins lo corrent dau sègle XX. Ansin, dins certanei país coma França, lo norrigatge de cavau de tira s'orienta d'ara endavant vèrs la produccion de carn ò vèrs l'equitacion de leser.
