Causse de Vilanòva

Causse de Vilanòva
Tipe	Planastèl, region naturala de França e contrada d'Occitània
Localizacion
Estat	França
Unitat administrativa	Occitània e Avairon
Serrada	Massís Central
Donadas
Altitud	350 m
Material	Calcari
Region istorica	Occitània, Guiana e Roergue

Lo Causse de Vilanòva es una contrada d'Occitània^[1]^{[N 1]} situada en Roergue.

Sa vila principala es la bastida de Vilanòva.

Geografia

Geograficament, lo Causse es bordat per Limarga al nòrd-oèst, la val d'Òlt al nòrd, e per la val de Dièja e la falha de Vilafranca a l'èst.^[2]

Dins lo sens de las contradas, lo Causse bòrda Limarga al nòrd, lo País de Montbasens a l'èst, lo Vilafrancat al sud, e los Causses de Carcin (Limonha e Cajarc) a l'oèst. Segon aquela definicion, lo Causse de Vilanòva ocupa l'extrèm oèst-nòrd-oèst de Roergue e del departament d'Avairon, donc bòrda Carcin e lo departament d'Òlt.^[1]

Lo Causse compren tres regions principalas:

Al nòrd, lisièras e causse boscós
Al centre, de "comunals" amb vilatges, masatges, e parcelaris ortagonals
Al sud, urbanizacion e tèrras agricolas a l'entorn de la bastida de Vilanòva^[2]

Comunas e limites

Limites culturals

Segon la mapa de las encontradas occitanas de Jornalet:

Ambairac Asprièiras Balaguièr d'Òlt La Capèla de Balaguièr Causse e Dièja Foissac	Montsalés Nauçac Òls e Rinhòdas Salas e Corbatièrs Salvanhac de Cajarc Sanch Igèst	Sent Remèsi Santa Crotz Saujac Sonnac Vilanòva

Limites geologics

La mapa geologica del Causse de Vilanòva es mai estricte e inclús mai que mai los nautors, a l'exclusion de la majoritat de las comunas listadas per Jornalet.^[2]

Istòria

Abitada dempuèi longtemps, la region abriga de dolmèns e de sits arqueologics.

Èra autrescòps un centre de viticultura, mas las atacas de la filloxèra e l'arribada d'autres vins occitans per camin de fèrre a la fin del sègle XIX an destruch la majoritat granda dels vinhals del Causse.^[2]