Caunas de La Cava

Las caunas de La Cava, en Carcin, dins lo departament d'Òlt, foguèron descobèrtas per escasença lo 27 de mai de 1905 per Armand Viré e dobèrtas al public a la fin del meteis an. Armand Viré descobriguèt a l'intrada de vestigis preistorics datant de l'epòca del Solutrean e Magdalenian (Paleolitic Superior).

Estalactitas

Depaus de calcita sus las parets de la cauna

Un budèl geologic (vista verticala, lo diamètre pus grand es d'1 m, la longor visibla de 3 m)

Lo film «Un viatge fòra del temps»

En 2012 i foguèt filmat un documentari relatant lor descobèrta al còr de la val de Dordonha que ofrís una vision poetica de la cauna. Sortiguèt en DVD en julhet del meteis an.

Las caunas

Uèi obèrtas a las visitas del public, òm accedís despuèi la cauna de Joglar per un pichon tren electric sosterranh a las salas e galariás pus interessantas de las caunas. Lo percors d'1,6 km raseja un grand nombre d'estanhs, de concrecions e de salas que las pus impressionantas son una d'una nautor de 60 m, e una autra d'una superfícia de 2 000 m², esclairada feblament per una lutz ultravioleta dins la tòca de far ressortir la fluorescéncia naturala d'unas concrecions.

Aperaquí 100 000 personas visitan las caunas de La Cava cada an.

D'ustensilhas e d'armas preïstòricas, d'òs e de bana, e d'unes selze foguèron descobèrts dins la cauna.