Cauna de Foissac
La cauna de Foissac, en Roergue, dins la val d'Òlt e lo departament d'Avairon, compren d'òbras d'art parietal del Paleolitic Superior e un site arqueologic calcolitic. Venguèt «monument istoric» en 1978.
Ocupacion calcolitica
modificarDescobèrt en 1959, lo malhum sosterranh s'estend sus mantun quilomètre. En 1965, lo punt limit ennaut del malhum foguèt mes al jorn: aquesta partida de la cavitat embarra un grand nombre de vestigis arqueologics calcolitics datant d'aperaquí 2 700 ans abC (sepulturas, mobiliari litic e ossós, ceramicas e traças de passatges multiples). En 1973 aquela partida foguèt dobèrta al public. De 1978 a 1988 i foguèron menadas de recèrcas arqueologicas.
Cauna ondrada paleolitica
modificarEn 2006, òm trapèt de pinturas e de gravaduras del Paleolitic Superior dins una autra partida del malhum, dins la sala batejada «Francés Rosaud» en memòria d'un dels arqueològs que estudièt lo site e que i moriguèt en 1999. Las gravaduras consistisson en de finas incisions non figurativas. Las pinturas incluson de traches negres, de pontuacions rojas e negras, un ur, un caprid, e dos bisonts associats dins una scèna de preacoblament.
