Cauna de Barabau
La cauna de Barabau se tròba dins la comuna d'Albuga, dins la val de Vesera. Presenta un grand interès geologic, sensiblament per sas concrecions excentricas, e subretot preïstoric, per las gravaduras parietalas que embarra.
Etimologia modificar
Geografia e contèxte geologic modificar
La cavitat se dobrís dins una còla situada en riba drecha del rivet de Jornhac, afluent en riba drecha de Vesera. Es la pus meridionala de l'ensems dels sites preïstorics e caunas ornadas de la val de Vesera.
Traucada dins de calcaris marloses del Campanian 3, la cauna a una longor de 90 m, una nautor de 3 a 12 m e una largor de 8 a 25 m. Se devesís en doas partidas: una galariá que se i accedís per un larg pòrge d'entrada e una segonda sala (rotonda o vòlta) que seguís, embarrant las òbras parietalas.