Cauçada dei Gigants
La Cauçada dei Gigants es una formacion volcanica situada sus lo litorau dau nòrd de l'illa d'Irlanda, a 3 km de la vila de Bushmills. Se caracteriza per la juxtaposicion d'aperaquí 40 000 colonas basalticas exagonalas. Usar per l'accion de la mar, l'ensemble evòca un pavatge que disparéis dins l'aiga. En causa de son aspècte remarcable, l'endrech es un luòc toristic e un site classat au Patrimòni Mondiau de l'Umanitat dempuei 1986. Segon una legenda, l'estructura es lo rèsta d'una rota bastida per un gigant escocés desirós de se batre còntra un rivau irlandés. En realitat, es lo vestigi d'una colada de lava emesa fa 50 a 60 milions d'ans.
Liames intèrnes modificar
Bibliografia modificar
- (fr) Obratge collectiu, Dictionnaire illustré des merveilles naturelles du monde, Reader's Digest, 1982.