Carri Ansaldo P26/40

Lo carri Ansaldo P26/40 es un carri mejan italian de la Segonda Guèrra Mondiala intrat en servici en 1943^[1]. Inspirat per lo T-34, deviá permetre de dotar lei fòrças armadas italianas d'un carri modèrne capable de rivalizar amb lei carris mejans sovietics e aliats. D'una massa de 26 t, èra armat d'un canon de 75 mm d'una longor de 34 calibres qu'èra leugierament pus feble que lei canons equipant de carris similars. Lo blindatge aviá una espessor de 14 a 50 mm e l'armament segondari èra compausat de doas mitralhièras de 8 mm.

Pasmens, lo P26/40 foguèt victima dei problemas d'organizacion de la produccion de guèrra italiana. Sa concepcion, iniciada en 1940, foguèt lònga e la produccion comencèt quauquei setmanas avans la capitulacion italiana. Ansin, lo P26/40 foguèt jamai utilizat per l'armada italiana e leis exemplaris produchs foguèron integrats a l'armada alemanda. La produccion totala foguèt de 103 unitats e una partida aviá pas de motor. Foguèron emplegats coma defensa estatica sus la Linha Gotica. Lei veïculs complèts equipèron tres companhiás que foguèron decimadas durant l'ofensiva aliada de la prima de 1945 dins lo nòrd d'Itàlia. Lei performàncias dau P26/40 i son desconegudas.

Liames intèrnes

Carri mejan.

Bibliografia

(en) F Cappellano e P. P. Battistelli, Italian Medium Tanks, Osprey Publishing, 2012.

Nòtas e referéncias

↑ Dins la classificacion italiana dei blindats, la letra « P » indica que lo P26/40 èra considerat coma un carri pesuc. Pasmens, sei caracteristicas correspòndon pas ais estandards d'aquela categoria.

[1] Dins la classificacion italiana dei blindats, la letra « P » indica que lo P26/40 èra considerat coma un carri pesuc. Pasmens, sei caracteristicas correspòndon pas ais estandards d'aquela categoria.

[1]