Carmen Reinhart
Carmen M. Reinhart, nascuda Castellanos (L'Avana, Cuba, 7 d'octobre de 1955) es una economista americana. Aquesta professora de l'Escòla Kennedy de Harvard es actualament una de las economistas mai influentas sus la politica financiera mondiala. Segon Bloomberg Markets, èra demest los 50 personas mai influentas del mond en 2011 e 2012. Foguèt autora amb Kenneth Rogoff, ancian economista en cap del Fons Monetari Internacional, del rapòrt publicat en 2010 que criticava los deficits tròp elevats, e que servís a justificar la politica de rigor menada per l'Union Europèa. Son nom venguèt celèbre dins la premsa quand lo rapòrt foguèt criticat per sas mancas grèvas e sos calculs falses. Mai d'un economista critiquèt aital la politica d'austeritat e Paul Krugman, un economista american dels mai prestigioses, afirmèt qu'aquesta politica sonque podiá menar cap a mai de pauretat e miséria.
