Carlos
Jean-Chrysostome Dolto, mai conegut coma Carlos, nascut lo 20 de febrièr de 1943 a París (França) e mòrt lo 17 de genièr de 2008 a Clichy,[1] èra un cantaire popular festiu francés, e un pauc actor tanben (Patate en 1964, Le Cri du cormoran le soir au-dessus des jonques en 1971).
Jean-Chrysostome Dolto es lo filh de la psicanalista e pediatra Françoise Dolto (nascuda Marette) (1908-1988) e del massaire-quinesiterapeuta d'origina russa Boris Dolto (1899-1981).
En 1957, a 14 ans, encontra Sylvie Vartan e ven son amic. Càmbia son nom per Carlos en 1958 en omenatge al percussionista Carlos Patato Valdés. Ven secretari particular de Sylvie Vartan a la debuta de sa carrièra dins lo mitan de l'espectacle, l'acompanhant pendent mai de dètz ans capvath lo Monde entièr. Ven quitament en 1966 lo pairin de son filh, David Hallyday. Aquesta meteissa annada, fa sos debuts coma cantaire amator e encontra lèu un franc succès al près del public parisenc gràcias a son aire jovial e son fisic corpulent. L'annada seguenta, fa un duò ambe Sylvie Vartan sul tròç 2'35 de bonheur, que ven un tube en França.
En 1969, enregistra son primièr 45 torns en sòlo ambe la cançon La vie est belle, puèi un segond l'annada d'après, Y'a des Indiens partout.
En 1970, enregistra la cançon La cantine, que ven una gròssa capitada populara en França.
En 1971, adapta en francés la cançon brasiliana Festa Para Um Rei Negro, jol títol La Bamboula.
En 1973, enregistra l'album Une journée de Monsieur Chose e lo títol Tout nu, tout bronzé. Obten un disc d'aur ambe Cocotte en papier puèi Señor Météo (1974). En 1977, sortís sa famosa cançon Big Bisou.
En 1978, enregistra una represa de Rosalie de Georges Plonquitte.
En 1985, adapta la seria televisada d'animacion americana Fat Albert and the Cosby Kids que ven T'as l'bonjour d'Albert, e en 1989, canta Le Tirelipimpon, qu'es encara una fòrça gròssa capitada populara en França.
Cançons mai conegudas
modificar- La cantine (1970)
- La Bamboula (1971, adaptation en francés del tròc en portugués Festa Para Um Rei Negro)
- Tout nu, tout bronzé (1973)
- Cocotte en papier (1974)
- Señor Météo (1974)
- Le Bougalou du loup-garou (1976)
- Big Bisou (1977)
- Rosalie (1978)
- Papayou (1983)
- T'as l'bonjour d'Albert (1985, inspirat de la seria americana Fat Albert and the Cosby Kids)
- Le Tirelipimpon (1989)
- Si tu vas Dario (1991, represa de Dario Moreno)
- La coladeira (2001)