Canton d'Agen Èst
Lo canton d’Agen Èst es una anciana division administrativa del departament francés d’Òut e Garona, de 1973 a 1984. Lo còde de l’INSEE èra 4702. La lenga autoctòna es l'occitan lengadocian agenés, damb de fenomèns de transicion cap al gascon.
.svg)
Prenguèt la seguida del canton d’Agen 2 (1801-1973) en 1973, dins lo meteis territòri. Èra compausat de cinc comunas:
- Agen (en partida)
- Bajamont
- Boèr
- Bonencontre
- Lo Pont del Casse
Istoric modificar
.svg)
Lo 1èr de genièr de 1974, Bajamont foguèt incorporat al Pont del Casse. La fusion foguèt anullada lo 24 de novembre de 1983. Entretant, lo nombre de comunas èra passat a quatre:
- Agen (en partida)
- Boèr
- Bonencontre
- Lo Pont del Casse
En 1984 lo canton foguèt devesit en dos, Agen Nòrd-Èst e Agen Sud-Èst [1].
Lo canton d'Agen Èst se creèt en 1973, atal coma los cantons d'Agen Centre, Agen Nòrd e Agen Oèst [2].
Avant la creacion d'aquel canton, i agèt : lo canton d'Agen entre 1790 e 1801; lo Agen 1 e lo Agen 2 entre 1801 e 1973.
En 2015, los cantons d' Agen centre, Agen Nòrd, Agen Oèst, Agen Nòrd-Èst e Agen Nòrd-Èst foguèron suprimits. Lo despartiment cantonal novèl es : Agen 1 (tròç d'Agen, Bajamont, Folaironas e Lo Pont del Casse), Agen 2 (tròç d'Agen, Boèr e Bonencontre o Nòstra Dama), Agen 3 (tròç d'Agen solet) e Agen 4 (tròç d'Agen e Lo Passatge) [3].