Caloria
La caloria es un terme scientific ancian que designa la pichona caloria, de simbòle « cal », e la granda caloria, de simbòle « kcal », que son d'unitats d'energia. La pichona caloria èra una unitat fòrça utilizaa durant lo segle XIX dinque a son remplaçament per lo joule, l'unitat d'energia del Sistema Internacionau d'Unitats. Correspondiá a la quantitat d'energia necessària per aumentar la temperatura d'un grama d'aiga liquida de +1 °C sota una pression d'una atmosfera. Sa valor es a pauc près egala a 4,184 J. La granda caloria es egala a 1 000 pichonas calorias. Es encara utilizaa en dietetica ont es frequentament dicha « caloria ».