Còl de l'Eschala

Lo còl de l'Eschala es un còl daus Aups occitans a 1 762 mètres d'altitud. Es situat dins lo departament daus Auts Aups, sul territòri de la comuna de Nevascha, a sièis quilomètres de la frontièra entra França e Itàlia.

Geografia

Lo còl de l'Eschala fa la ligason entre lo vilatge de Nevascha, dins la vau de Clarèia, e la vau Estrecha, ela meteissa tanben per part sul la comuna de Nevascha. Lo ponch de passatge entre las doas vaus s'enauça a 1 779 mètres d'altitud, a qualques quilomètres au nòrd de la localizacion oficiala dau còl de l'Eschala, au Malpas. Entre los dos còls se trapa una pichona vau sècha endoreïca.