Brachauchenius

Brachauchenius lucasi ère un reptil marin escantit apartenhent ara familha des plesiosaures. Demorèc pendent eth cretacèu superior (hè d'aperaquí 80 milions d'annades). Es sues despulhes an sigut trapades en Kansas e Tèxas (Estats Units).

Descripcion

Aguest animal (eth sòn nom scientific vò díder còth cuert ) siguec un des darrèrs grans plesiosaures damb eth cap gran e còth cuert, ua forma qu'avien toti es pliosaures. Es mesures èren importantes; sonque eth cran hèia un metre de longada e tota era bèstia ère en forma triangular damb es sues dents longues e acabava en un pont ponchut pas coma d'autes pliosaures. Eth còth ère plan robust e cuert damb sonque onze vertèbres cervicals.

Classament

Aguest plesiosaure siguec descrit per prumèr còp per Samuel Willinston en 1903 e siguec classat dens deth grop des pliosaures. Es caracteristiques deth cran a hèt díder quauqu'ns scientifics qu'aguest animal podie èster ua evolucion des elasmosaurids de còth long e damb un còth cuert e cap gran que passava a ocupar er espaci ecologic des superpredators marins qu'avien deishat uet es pliosaures coma Pliosaurus e Liopleurodon. Brachachenius probablaments siguec un pliosaure tipic dera madeisha familha que Kronosaurus. Un aute pliosaure deth cretacèu, ancara mès gran ère Megacephalosaurus.

Vida

Bracauchenius ère un des mès grani predators ena mar occidental que s'avia format coma un canal intern en eth cretacèu superior ena America del Nòrd actual. Les sues victimes èren de segur, grani peishi (Xiphadactinus), d'autes reptils marins mès petiti (mosasaures coma Plateocarpus), grani cefalopòdes (Tusotheuthis) e, de còps, audèths marins coma Hesperornis.

Bibliografia

· Williston S W, 1903. North American plesiosaurs. Part I. Field Columbian Mus. Pub. 2:1-77. Williston S W, 1907. The skull of Brachauchenius, with special observations on the relationship of the plesiosaurs. Proc. U.S. Nat. Mus. 32:477-89.

· Carpenter K. 1996. A Review of short-necked plesiosaurs from the Cretaceous of the western interior, North America. Neues Jahbruch für Geol. Palaont. Abh. (Stuttgart) 201 (2): 259-287.

· Schumacher BA, Everhart MJ. 2005. A stratigraphic and taxonomic review of plesiosaurs from the old “Fort Benton Group” of central Kansas: A new assessment of old records. Paludicola 5 (2): 33-54.

· Everhart MJ. 2007. Historical note on the 1884 discovery of Brachauchenius lucasi (Plesiosauria; Pliosauridae) in Ottawa County, Kansas. Kansas Academy of Science, Transactions 110 (3/4): 255-258.