Bonora

Bonora es un quartièr residencial de Tolosa situat a l’èst del centre vila, prèp del Canal del Miègjorn, fòrça vivent.

Es associat amb lo quartièr vesin de Guilhemeri dins le Sector 4 de Tolosa èst (retalhada dels quartièrs de Tolosa de 2009).

Si las avengudas Camille Pujol/Jean Chaubet e l'avenguda de la Glòria son de segur les limits sud e nòrd, aquels èst e oèst son pas clarejats.

Le quartièr foguèt agricòla dusca las annadas 1920, puèi se bastit. Se vese encara qualques testimònis d'aquela passada, coma una fedariá. I avià força demòras per les caminòts de la gara Matabiau e erà un quartièr popular. Dempuèi las annadas 2000, a subit la "gentrificacion" a l'image del quartièr vesin de Sent Aubin, de l'autre latz del canal.

Mai d'unas associacions fan viure le quartièr coma le Cercle Laïc Jean Chaubet (centre social e cultural), le club de petanca, le club dels aujòls, l'associacion Qualitat de vida a Bonora, l’associacion dels lésers.

La plaça Pinel

Al centre del quartièr, la plaça Pinel ofrís sos espacis verds, son quiòsc de musica, son escòla.

Foguèt nomat en 1929 en l'onor de Marius Pinel, sindicalista e conselhièr municipal de Tolosa, un dels fondators de la Borsa del trabalh de Tolosa.

Le quiòsc es l'òbra de Joan Montariol, l'arquitècte en cap de la vila de Tolosa dins las annadas 1930. A la particularitat, de pas estre capable de botar la musica a fòra ...e es donc pas de grand service.

Le professor de Literatura del Licèu Pèire de Fermat e president de l'Académia de las sciéncias de Tolosa Yves Le Pestipon, marquat per l'ambient e le mistèri d' aquel liòc, n'en realisat qualques films e l'a proposat al patrimòni mondial de la "banalisa", un movement "critic e esperimental" inspirat per lI'Internacionala Situacionista.