Bomian (cançon)

Bomian es una cançon de Patric :

Una guitarra un fuòc de camp
Prèp de la vila s'ausís ton cant
Qualquas paraulas en catalan
Una musica un èr bomian

De vila en vila t'an escampat
Dison que raubas e qu'as tuat
Rison quand passas sul camin blanc
Dison que manjas los enfants

Penjada al pitre i a una crotz
D'aur e de perlas lusís al jorn
Sarras la lama de ton cotèl
Sarah la negra a ton anèl

Crompas las pelhas vendes de tot
Rachèl desvela l'avenidor
Siás òme liure desrengas plan
La lèi e l'òrdre d'un mond fat

L'ostal rodèla de vers la mar
De vers las Santas benlèu tard
Mas serà fèsta per tu Bomian
Sabi ta jòia d'esser a deman

Una guitarra sens fuòc de camp
Prèp de la vila s'ausís mon cant
Qualquas paraulas en occitan
Te balhi ma cançon bomian