Boita de mitralha
La boita de mitralha es un projectil d'artilhariá que foguèt fòrça utilizat durant lei guèrras dei sègles XVIII e XIX. Èra constituïda d'un estug cilindric emplit de centenaus de balas. Au moment dau tir, lei balas èra ejectadas dins una larga zòna fins a 200-400 m de distància. Aquò èra fòrça eficaç còntra lei massas d'infantariá e podiá en teoria arrestar una carga de cavalariá. Pasmens, la portada d'utilizacion relativament corta permetiá ai fantassins ò ai cavaliers de prendre la pèça en cas de revirada dau tir.
Lei boitas de mitralha foguèron fòrça utilizadas durant lei guèrras napoleonencas e durant la Guèrra de Secession. Certanei modèls dispausèron de balas especialament concebudas per èsser tiradas amb un canon. Foguèron pauc a cha pauc remplaçadas durant lo sègle XIX per l'obús Shrapnel que permet d'obtenir de resultats identics, mai qu'a una portada pus importanta. Uei, leis obús canister presentan una certana similitud amb lei boitas de mitralha, tant dins l'utilizacion que dins la composicion.