Dobrir lo menú principal

Bertran de Sant Geli o Bertran de Trípol, nascut vèrs 1065, comte de Tolosa e de Trípol, filh de Raimon de Sant Geli e de Nat de Tolosa-Provença.

Esposèt Elena de Borgonha, filha d'Eudes Borrèl, duc de Borgonha, que n'aguèt un filh, Ponç.

Quand son paire partiguèt en Crosada en 1096, li fisèt lo comtat de Tolosa. Tre 1098, s'en prenguèt als privilègis dels canonges de Sant Sarnin, qu'apelèron lo Guilhèm IX, duc d'Aquitània qu'envasiguèt e ocupèt lo comtat. Guilhèm IX faguèt pròva de pauc d'opiniestretat e deguèt far fàcia a una resisténcia passiva, tanben, quand prenguèt la crotz en 1101, Bertran poguèt retrobar sos Estats. De 1101 a 1108, es en lucha amb lo papa Pascal II a prepaus de l'abadiá de Sant Geli.

En 1109, Bertran s'engatja a son torn dins la Crosada, daissant lo comtat de Tolosa a son fraire Anfós Jordan encara minor. Arriba a Trípol totjorn assetat e Guilhèm Jordan refusa de li daissar lo comtat. Apèla Baldoin Ièr rei de Jerusalèm que separa lo comtat en dos. Sa venguda e mai la de son òste permeton la presa de Trípol que deven la capitala de son comtat.

Guilhèm Jordan es assassinat pauc aprèp, çò que li permet de reünificar lo comtat de Trípol. Morís lo 21 d'abril de 1112.

Fonts


Precedit per Bertran de Trípol Seguit per
Raimon IV
Armoiries Languedoc.png
comte de Tolosa
Anfós Jordan
Guilhèm Jordan
Armoiries Tripoli.svg
comte de Trípol
Ponç