Beneset XIII (papa)
Beneset XIII (en latin: Benedictus PP. XIII), nascut Pietro Francesco Orsini (Gravina in Puglia, 2 de febrier de 1649 - Roma, 21 de febrier de 1730) foguèt lo 245en papa de la Glèisa Catolica Romana dau 29 de mai de 1724 a sa mòrt. Succediguèt a Innocenci XIII (1721-1724) e foguèt remplaçat per Clement XII (1730-1740).
Originari de l'Ostau Orsini, intrèt en 1667 au sen de l'Òrdre Dominican e venguèt cardinau en 1672. Puei, foguèt nomenat evesque de Manfredonia (1675), de Cesena (1680) e enfin de Benevent (1686). Son pontificat foguèt marcat per una volontat de melhorar lei mors de la Glèisa au sen de Vatican (obligacion de residéncia per lei cardinaus, vida fòrça simpla dau papa, ajuda ai paures de Roma...) e de defendre leis interès temporaus de la Glèisa còntra lei monarquias europèas, especialament Àustria qu'èra la poténcia dominanta en Itàlia. Enfin, au nivèu teologic, condamnèt lo jansenisme