Bellestar (AFI: [baʎesta]) es un nuclèu de populacion de la municipalitat de Montferrer i Castellbò, a la Aut Urgèl. Lo vilatge es a 793 mètres d'altitud, a tres quilomètres de la Seu d'Urgèl (sièis per la rota) e vesin del vilatge de Aravell.

Bellestar.

Lo vilatge, bastit en naut d'un tuc, a 90 abitants. I a pas cap d'ostal que que l'arquitectura se remarca, la granda majoritat son fòrça ancians. La majoritat de las carrièras son fòrça penjaludas e darrièra la plaça se tròba la glèisa parroquiala, reformada a la fin del sègle XX, es consacrada a Sant Pere e a un campanal de tor adossat. Fasiá partida istoricament del vescomtat de Castellbò, dins lo quartièr de Castellciutat.

En mai del vilatge, qualques endreches son: lo despoblat de Campmajor, l'ermitatge de Sant Marc, los paratges de Benavarre e Navaners, les Comelles, les Colomines, el Colomer, els Egols e els Inferns o Setinferns. Las fèstas mai importantas del vilatge son la vòta, darrièra dimenjada d'octòbre, la fèsta de prima o de Sant Marc, e l'amassada de la Trobada.

Situacion modificar

L'espaci comunal se tròba entre la sèrra de Roi e la sèrra de la Mola. A l'oèst del tuc de Bellestar se tròba la sèrra del Pui e al sud la sèrra de Sant Marc, continuacion del tuc de Bellestar, ambedós separan lo sector de Bellestar del de Aravell.

A l'èst del tuc de Bellestar se tròba lo paratge de Benavarre e lo paratge de Navaners, aquel darrièr en dessus de la sèrra de Navaners. Entre lo tuc de Bellestar e Benavarre se dobrís una estrecha plana orientada del nòrd cap al sud, parallèla a la sèrra de Sant Marc, traversada pel riu de la Maire de Dieu de la Trobada. Lo paratge de Benavarre, força plan, se tròba a unes 830 mètres d'altitud, e limita amb la municipalitat de la Seu d'Urgèl. Lo paratge, elevat per çò qu'es de la plana de la Seu, sembla una sèrra o un tuc vist dempuèi aval. La Llau de Benavarre, un torrent cort e de fòrça desnivelacion, fa lo limit natural entre las municipalitats de la Seu d'Urgèl e Montferrer e Castellbò. Mai aval de la llau se tròba Fontantiga. Per Benavarre i arriba lo camin del meteis nom, que jonhiá Bellestar amb la capitala comarcala, la Seu d'Urgèl, amb l'arribada de la veitura aquel tombèt en desuetud e s'utiliza principalament la rota que mena a la Trobada per anar a la Seu.


A l'oèst de Navaners se tròba la sèrra del Corb e la plana de jos la sèrra de Montferrer de Segre e Castellciutat. En seguent lo cors del riu de la Maire de Dieu de la Trobada, trobam lo sector de la Trobada, ont i a l'ermitatge consacrat a la Maire de Dieu de la Trobada e la comuna de Montferrer i Castellbò. Aquel sector, que se dobrís entre doas sèrras comunica amb la plana de jos la sèrra de Montferrer.

Lo riu de la Maire de Dieu de la Trobada es tanben conegut coma riu de Bellestar, nom pauc capitat essent qu'existís ja aquel riu a l'oèst de Bellestar e que desboca al riu de Aravell e aquel darrièr al riu de la Maire de Dieu de la Trobada.

Suls autres projèctes Wikimèdia :