Bauhaus
Bauhaus es un grop de ròck gotic anglés originari de Northampton, en Anglatèrra.
Bauhaus es estat fondat en 1979 pel cantaire Peter Murphy[1] ambe tres autres estudiants en art coma el, Daniel Ash a la guitarra e al saxofòn, David J a la bassa, e Kevin Haskins a batariá. Prenon dins lor musica e sus l'empont una fòrma de teatralitat, a la faiçon de David Bowie.
Lor primièr single Bela Lugosi's Dead sortís en 1979, e lor cançon mai coneguda en Occitània se titola She's In Parties (1983). Lor primièr album In the Flat Field pareis en 1980. Sus l'album Mask en 1981, la paleta musicala de Bauhaus s'esten ambe d'elements reggae. Se separan en 1983 en seguida d'un concèrt balhat a Londres (Anglatèrra) al Hammersmith Palais, pr'aquò se son reformats en 2005.
Demest las influéncias màgers de Bauhaus, a part David Bowie, se pòt citar los grops pòst punk anglés de la periòda 1977-1979 coma Siouxsie and the Banshees e Joy Division.
Discografia
modificar- 1980 : In the Flat Field
- 1981 : Mask
- 1982 : The Sky's Gone Out
- 1983 : Burning from the Inside
- 2008 : Go Away White