Batalha de l'oèst de Hubei

La batalha de l'oèst de Hubei se debanèt dins lo corrent de la Segonda Guèrra Mondiala dau 12 de mai au 3 de junh de 1943. Foguèt una temptativa novèla de conquista de la capitala provisòria dei nacionalistas, Chongqing , per lei Japonés. Per aquò, l'armada imperiala assaièt de passar a travèrs de la província de Hubei. Coma lei còps precedents, se turtèt a una resisténcia fòrta e son ofensiva mau capitèt. Pasmens, lei pèrdas chinesas (60 000 òmes) foguèron fòrça superioras a aquelei dei Japonés (26 000 òmes).