Batalha de Taierzhuang
La batalha de Taierzhuang se debanèt dins lo corrent de la Segonda Guèrra Mondiala dau 24 de març au 7 d'abriu de 1938. Foguèt la consequéncia d'una ofensiva japonesa (30 000 òmes) destinada a conquistar lo districte de Taierzhuang defenduda per lei tropas republicanas chinesas sostenguda per un còrs aerian sovietic. L'objectiu de l'armada imperiala èra de completar sa conquista de la vila de Xuzhou ambé la presa d'una partida dei territòris vesins. Pasmens, l'ataca se turtèt a una guerilha acarnada sus lei linhas d'avitalhament japonesas e ai bombardaments de l'aviacion sovietica mandada oficiosament en China. Enceuclats, lei Japonés capitèron de se retirar a partir dau 6 d'abriu. Sei pèrdas totalas agantèron 16 000 òmes. De son caire, lei Chinés perdiguèron aperaquí 30 000 combatents.
