Batalha de Nanchang

La batalha de Nanchang se debanèt dins lo corrent de la Segonda Guèrra Mondiala dau 17 de març au 9 de mai de 1939. Foguèt la consequéncia d'una ofensiva japonesa (120 000 òmes) còntra la vila de Nanchang e sa província defendudas per lei tropas republicanas chinesas (200 000 òmes). Lei Japonés capitèron d'intrar dins la ciutat tre lo 26 de març mai foguèron per la seguida menaçat per una còntra-ofensiva chinesa acomençada lo 21 d'abriu. Una tiera de bombardaments aerians fòrça durs foguèt alora necessari per arrestar l'ataca chinesa. Lo 9 de mai, lei Chinés suspendiguèron seis assauts e laissèron Nanchang ai Japonés. Aquela victòria permetèt ai Japonés de menaçar lei províncias dau sud-èst de China e lei linhas d'avitalhament dei tropas republicanas.

Lei pèrdas umanas de la batalha foguèt de 51 328 òmes per lei Chinés e d'aperaquí 24 000 per lei Japonés.