Batalha de Mokra

La batalha de Mokra se debanèt lo 1^èr de setembre de 1939 dins lo corrent de la Segonda Guèrra Mondiala. Foguèt entraïnada per una ofensiva alemanda menada per tres divisions (1^èra Panzer, 4^a Panzer e 31^a d'infantariá) còntra lei posicions polonesas de la region de Mokra defendudas per una division d'infantariá (7^a DI), una bregada de cavalariá (Volínia) e un tren blindat (Śmiały). Leis Alemands se turtèron a una resisténcia acarnada dei Polonés e a una tiera de còntra-ofensivas que li causèron de pèrdas importantas. Pasmens, a la fin de la jornada, lo flanc dei Polonés èra menaçat per la 1^èra division Panzer e lei tropas polonesas se retirèron 12 km a l'èst sus una segonda linha defensiva.

Fotografia d'un monument commemoratiu de Mokra celebrant la bregada de cavalariá de Volínia.

Lo còst de la batalha foguèt relativament important per la Wehmarcht que perdiguèt 900 soudats (tuats, bleçats, dispareguts e presoniers), 50 carris e un centenau de veïculs pus leugiers. En fàcia, lei pèrdas polonesas èran de 500 òmes e de 300 chivaus.