Dobrir lo menú principal
Carris francés abandonats e inspectats per leis Alemands après la batalha de Hannut.

La batalha de Hannut se debanèt entre lo 12 e lo 14 de mai de 1940 durant la Segonda Guèrra Mondiala (1939-1945[1]). Opausèt de formacions blindadas deis armadas francesa e alemanda e s'acabèt per una victòria tactica francesa rapidament annulada per lei succès de l'ofensiva principala d'Alemanha dins la region deis Ardenas.

Aquò foguèt la premiera batalha de carris de l'Istòria e opausèt doas divisions blindadas francesas (21 000 òmes, 600 veïculs) a doas divisions blindadas alemandas (26 000 òmes, 620-680 veïculs) sostengudas per l'aviacion. Aquela ataca alemanda èra una diversion per fixar lei principalei fòrças francesas en Belgica. Lei combats demostrèron l'armament superior dei blindats francés que poguèron aprofichar un armament e un blindatge pus poderós per destrurre unei carris alemands. En revènge, demostrèron tanben lei dificultats de la direccion militara francesa car lei doas divisions francesas poguèron recebre ges de sostèn important d'autreis unitats, especialament de l'aviacion. Ansin, lei Francés perdiguèron un nombre important de carris destruchs per l'artilhariá ò l'aviacion.

Lei pèrdas umanas foguèron limitadas dins lei dos camps mai lei pèrdas materialas foguèron importantas. Lei Francés perdiguèron 105 carris (la mitat destrucha per d'avions) e leis Alemands 164 qu'èran totalament destruchs e 30 que necessitavan de reparacions importantas. Pasmens, tre lo 15, la victòria defensiva dei Francés foguèt annulada en causa de l'afondrament dau frònt francés dins leis Ardenas. Totei lei fòrças aliadas situadas en Belgica assaièron de se retirar vèrs l'oèst e una partida importanta dei veïculs francés foguèt abandonada en causa de la manca de carburant.

Liames intèrnesModificar

BibliografiaModificar

Nòtas e referénciasModificar

  1. Datas dau conflicte sus lo teatre europèu